Mariel De Leon hits people who take pleasure in other’s misfortunes

May hirit ang pambato ng Pilipinas para sa Miss International 2017 na si Mariel de Leon para sa mga taong natutuwa sa pagbagsak o kamalasan ng iba.

Sa kaniyang Twitter nitong Huwebes, sinabi ni Mariel na mga "insecure" at "unhappy" daw ang mga ganoong tao, kaya "good vibes" at "prayers" na lang ang tugon niya sa kanila.

"If another person’s 'misfortune' pleases you, it just shows how insecure and unhappy you are with your life. It’s okay, maybe one day you’ll be truly happy? I’m sending you good vibes and prayers!"

If another person’s “misfortune” pleases you, it just shows how insecure and unhappy you are with your life. It’s okay, maybe one day you’ll be truly happy? I’m sending you good vibes and prayers! ????????

— Mariel de Leon (@mariaangelicadl) November 16, 2017

Nitong Martes, inihayag ni Davao City Mayor Sara Duterte na nagkaroon daw siyang "schadenfreude moment" matapos hindi makapasok sa finals si Mariel sa Miss International 2017 beauty pageant sa Tokyo, Japan.

"Meron ako personal experience sa kanya, but I’m too tired to make kwento. I believe pageant judges see through the physical beauty and examine the heart. Para bang Ms. Venezuela sa Ms. Universe 2016. Parang ganyan. This is a schadenfreude moment for me. Sa binisaya pa, ang gabà di gyud magsabà," saad ni Duterte sa kaniyang Facebook post.

Salitang German ang "Schadenfreude," na ang ibig sabihin ay pagkatuwa ng isang tao mula sa kasawiang-palad ng ibang tao.

Iginiit ni Mariel na mananatili siyang outspoken tungkol sa mga isyung politikal na kinakaharap ng bansa.

Nagsalita siya noon sa pagkakatalaga ni Mocha Uson bilang Assistant Secretary ng Presidential Communications Operations Office, at nakasagutan pa ang Assistant Secretary hinggil sa fake news. —NB, GMA News