Andre Paras thankful sa 'DerBie' fans

 
Kahit unang soap pa lang ni Andre Paras ang The Half Sisters, na napapanood tuwing hapon sa GMA Network, marami ang pumupuri sa kanyang pagganap bilang isang mayamang binata na magiging karibal ni Derrick Monasterio kay Barbie Forteza.

Kahit maganda ang feedback ng marami sa acting niya, patuloy pa rin daw siyang sumasailalim sa acting workshops.

Naniniwala ang anak nina Benjie Paras at Jackie Forster na kailangan pa rin niya ito.

“I think I need to improve more on my acting,” sabi niya nang makausap ng PEP.ph (Philippine Entertainment Portal) at ilan pang miyembro ng media sa Sunday All Stars noong Linggo, June 22.

Patuloy ni Andre, “I don’t want to settle with what I’m doing now kahit yung iba po nagsasabi na okey.

"Pero ako, I still want to learn more.

“Kasi it’s my dream talaga to be a very good actor din so, of course, workshop talaga ang kailangan ko.

“It’s like school din kasi, I need to learn every day.

“Kaya kapag may free time, nagwu-workshop ako, para siyang training talaga, e.

“Hindi ka lang basta-basta sasalang, kailangan may dala ka rin.”

Hindi naman daw siya napi-pressure dala ng kanyang pagiging baguhan sa larangan ng pag-arte.

Saad niya, “Ang pressure para sa akin, if people are saying something negative and hindi ko naman napapansin. 

"So, in other words, I have to work on it pa, pero I think I just needed it as motivation naman."
 
LOVE TRIANGLE. Natutuwa raw si Andrei na maganda ang rapport at working relationship nila nina Barbie at Derrick sa The Half Sisters.

Kuwento niya, “Nagkukulitan talaga kami sa set, so dun lumalabas yung chemistry is perfect. Kasi, we’re always bonding.

"Then, kapag may lines or something, nagbabatuhan kami.

“Minsan, kapag tapos na yung batuhan, I ask kung puwede pa ulit kasi I wanna perfect din.

“Gusto ko lang na magandang tingnan sa TV para okey lahat, talagang I want to learn more.”

Ikinatutuwa rin daw ni Andre na kahit sa istorya ng The Half Sisters ay magkaribal sila ni Derrick kay Barbie, hindi siya inaaway ng DerBie fans.

Okey lang ba sa kanya na magkaroon ng ka-loveteam?

“Para sa akin, whatever the network gives me, of course, I will accept it. 

"And I will do my best to have a chemistry and then yung acting po.

“And I’m very thankful dito sa parang love triangle namin nina Derrick at Barbie sa The Half Sisters.

"Kasi nga po, ka-age ko sila and I get to relate.

“And ang daming techniques and advice na nakukuha ko sa kanila.”
 
PROUD OF KOBE. Ang number one critic daw ni Andre ay ang kanyang ama na si Benjie Paras.

Ano ang madalas nitong sinasabi sa kanya?

“Well, I ask my dad on how do I do and he said, 'You’re doing well, just continue your workshops and ask for help.'"

Kung si Andre ay maganda ang takbo ng naumpisahan niyang showbiz career, ang kapatid naman niyang si Kobe seems to be doing well also sa U.S. bilang aspiring basketball player at na-feature pa nga ito kamakailan sa L.A. Times.

Pagmamalaki ni Andre, “He was nga po, I think may naka-notice yata sa kanya doon na writer… of his game.

“Kasi they’re impressed na Filipino, naglalaro po doon... and he’s helping the team.

“Kahit natalo pa sila, they’re very impressed with his skills po.

"And I’m really proud of that kasi knowing my brother, he’s really working hard.”

Regular daw silang nagkakausap ni Kobe. Lagi silang nagkukumustahan.

“Sabi niya sa akin, he’s doing well.

"Sabi ko naman, 'You’re not doing well, you’re doing great!'

“Nabasa ko yung article about him na hindi naman niya sinasabi sa akin, hindi niya ipinagyabang, super-humble kasi.

“Pero I’m really proud of him nga, nag-i-improve siya talaga dun sa States.

“Naglalaro siya ng basketball dun sa L.A., hindi ko lang puwedeng sabihin kung anong team.”

He’s looking forward daw na makapunta sa States at mabisita roon si Kobe.

“If I have time, if everything is okay and my schedule is okay, I will go and visit him

“Kasi I really miss him na, e, sawa na ako sa web cam lang na pag-uusap namin.

“I wanna see him in person and just hug him.

"Hindi lang kasi kapatid kundi best friend ko rin po siya."
 
SCHOOLING. Bukod sa kanyang showbiz career, nag-aaral din ngayon si Andre.

First year Marketing student siya sa San Beda College kung saan naglalaro rin siya ng basketball.

“Kaya naman po na sabay-sabay!” nangiting sabi pa ng binata.

May plano rin ba siyang maglaro sa PBA?

“Well, one of my dreams po, I’m still taking my training every day.

“I want to really impove in everything—basketball, studies, and acting po.

"I would just like to learn, I just love learning po," sabi ni Andre.  -- Ruben Marasigan, PEP