Kaye Rivera opens up about failed relationship with Tom Rodriguez

Sa unang pagkakataon ay nagsalita ang singer-actress na Kaye Rivera—dating nakilala bilang si K-La Rivera—tungkol sa naging relasyon nila ni Tom Rodriguez na umabot sa isa't kalahating taon.

Sa ulat ni Glen Regondola para sa PEP.ph (Philippine Entertainment Portal), inamin ni Kaye na nagkahiwalay sila ni Tom nitong April lamang.

Ngunit tumanggi ang Star Power alumna na sabihin ang tunay na dahilan ng kanilang paghihiwalay dahil ito ay para raw sa kanilang dalawa na lamang ng dating kasintahan.

Saad ng 22-year old Kapuso talent, "That's something that happened in the past, parang I'm just moving forward na.

"We were a couple for a year and a half, opo.

"I'm moving forward, totally, kasi it's the first time na I'm going through a breakup.

"I think it's not yet the right time na totally move on ako, pero in the process pa rin ako.

"I mean, I'm just focusing ngayon on the positive side.

"I'm just praying all the time for God's guidance, and naniniwala rin ako na everything happens for a reason.

"Especially now that I'm growing up, I'm turning 23 sa 17th, nabubuo rin ako as a person.

"If you don't go through pain or sadness, and you don't appreciate the love and happiness as much, sa ngayon..."

TOM'S POPULARITY. Nang tanungin kung sa tingin ba niya ay malaking factor sa kung anuman ang naging problema sa kanilang relasyon ang biglaang pagsikat ni Tom dahil sa tagumpay ng teleseryeng My Husband's Lover noong nakaraang taon, sagot ng dalaga, "Did it affect sa aming relasyon? I don't know, e.

"I think everyone should differentiate between sa career nila at sa personal life nila.

"If someone is meant to be, talagang matutuloy pa rin yun.

"Pero if it's not meant to be, whatever factors… it won't work out.

"So, baka hindi lang meant to be talaga."

Dagdag ni Kaye, unang boyfriend niya si Tom kaya hindi niya maipagkailang sobra siyang nasaktan.

Pag-amin niya, "Yeah, siyempre, hurt. I can't say that I wasn't hurt.

"He was my first boyfriend and first heartbreak.

Naging magkaibigan ba sila matapos nilang maghiwalay?

Pag-amin ng Star Power alumna, "No, unfortunately, we are not talking.

"His family is dear to me and will always love them kahit we are not together and we are not talking."

Sa tanong kung handa na ba siyang pumasok ulit sa isang relasyon pagkatapos ng failed relationship nila ni Tom?

Sabi ni Kaye, "Sa ngayon, hindi yun ang focus ko.

"But I'm not closing my doors also.

Sa ngayon ay nali-link si Tom kay Carla Abellana. Ano ang masasabi ni Kaye dito?

Malakas na tawa ang isinukli ni Kaye bago sinabing, "Baka sila na lang to give reaction.

"I can't say anything about it kasi wala naman po ako sa situation nila.

"Actually, since it's my first time to experience a breakup, I think it makes it easier to move on." -- read the full story on PEP.ph