PEP: Mark Herras explains 'kissing video' with Ryza Cenon

Last Sunday, May 13, isang cell phone video ang ipinakita sa Showbiz Central kung saan mukhang naghahalikan sina Mark Herras at Ryza Cenon. Kuha ito ng assistant director ng show nilang Fantastic Man in one moment of kulitan. Ipinaliwanag ni Mark sa Showbiz Central na hindi sila naghahalikan ni Ryza sa video. Kulitan lang daw ito sa kanila ni Ryza at hinihipan niya lang ang tainga ng partner niya. Nakita ng PEP (Philippine Entertainment Portal) si Mark sa Station 168 Internet Cafe noong hapon ng May 17. Ikinuwento niya kung ano talaga ang nangyari sa nasabing video nila ni Ryza. "Sa taping ‘yon nangyari. Wala lang po, makulit lang talaga ako. Tapos hinihipan ko ang tainga ni Ryza. Sa video po, parang hinahalikan ko siya. Pero hindi," giit niya. Hindi raw alam ni Mark na kinukunan pala sila ng video. Sabi ni Mark, hindi lang daw si Ryza ang kinukulit niya ng ganoon. Pati raw ang mga PA (production assistants) ay kinukurot niya. "Basta makulit ako, ‘yon na lang," huli niyang sabi. - Philippine Entertainment Portal