Why Bangs Garcia stopped dating Phil Younghusband

“We stopped dating last year pa, end of November. We’re just better off as friends.”

Ito ang paliwanag ni Bangs Garcia nang tanungin tungkol sa kinahinatnan ng pagdi-date nila ng Azkals football player na si Phil Younghusband.

Dagdag pa ng sexy actress, “One thing I’ve learned in 2014, it doesn’t mean that if both of you are nice in a relationship, you’re gonna work out as a couple.

“Sometimes, you’re just really better off as friends.”

Anim na buwan daw silang exclusively dating ni Phil, pero nagdesisyon silang maging magkaibigan na lang.

Saad ni Bangs, “We tried, but mas okay kaming friends, e.

"You have to have that real chemistry.

"Kailangan maging in sync kayo sa maraming bagay, so siguro hindi lang talaga kami siguro in sync."

Ngunit nilinaw ni Bangs na walang third party sa kampo man niya o ni Phil.  

“Hindi naman seloso si Phil.

“Actually, si Phil is a very nice guy. Sobra-sobrang bait.

“We were exclusively dating, and when I date someone, I just date one guy. One-man woman ako."

Nakausap ng PEP.ph (Philippine Entertainment Portal) at iba pang piling miyembro ng press si Bangs sa contract signing niya sa Viva Entertainment, Inc., ngayong Huwebes ng hapon, March 5.
 
WHY IT DIDN’T WORK OUT WITH PHIL. Pagkatapos ng presscon proper, nilapitan ng PEP si Bangs upang usisain pa tungkol sa kanila ni Phil.

Sa anim na buwan na pagdi-date nila, hindi ba talaga ito nauwi sa pormal na relasyon?

“No, never kaming naging committed,” sabi ng aktres.

Cultural differences ba ang dahilan?

“Siguro, partly culture differences.

"Pero, I think, he’s too laid back for me.

"Ako, strong yung personality ko.

“Pero sobrang bait niya. I think he’s the nicest guy na na-date ko.

"So, akala ko nung 2014, ‘Ay! Mabait ito, sige ipu-push ko ‘to.’ Pero hindi pala.

“Kailangan makuha mo yung spark na 'yon, yung chemistry.

“Hindi puwede yung mag-boyfriend kayo na biglaan na 'di niyo naman nararamdaman dahil pinagpilitan.

“So, mabuting as early as possible, napag-usapan na naman para hindi mas masakit.” 
 
Inamin naman ni Bangs na mayroon siyang bagong inspirasyon ngayon, isa ring half-British ngunit negosyante naman na kaniya raw nakilala sa Boracay. -- Bernie V. Franco, PEP
 
For the full story, visit PEP.