Anne Curtis denies rumors of breakup with Erwan Heussaff over Jasmine photo

Iginiit ni Anne Curtis na alam niya ang tungkol sa naging trending na photo ng kanyang kapatid na si Jasmine Curtis-Smith at ng boyfriend niyang si Erwan Heussaff.

“I knew everything about that and we’re okay,” sabi ni Anne nang makausap siya ng PEP.ph (Philippine Entertainment Portal) bago ang taping niya para sa isang talk show.

Kasama ni Anne na maggi-guest sa episode na iyon si Jasmine.

“O, see, magkasama pa kami ni Jasmine na guests, di ba?” aniya pa.

Ano ang naramdaman ni Anne nang makita niya ang picture nina Erwan at Jasmine na kumalat sa social media?

Sagot ng host, “Wala, kasi alam ko naman yun, e. Nandoon ako.

“There’s no issue at all, at alam ko, very close talaga silang dalawa.”

Totoo bang nag-away sila ni Jasmine dahil sa lumabas na larawan nito kasama si Erwan?

“No,” mabilis na sagot ni Anne.

“Nandiyan si Jasmine, guests kami.

“Kung magkagalit kami, baka hindi kami magkasama as guests for the show.”

Sa ngayon, hindi na makikita ang nasabing picture nina Jasmine at Erwan.

Ayon sa ilang netizens, mismong si Jasmine daw ang nag-delete ng picture nila ni Erwan.

Pero totoo bang binura ni Jasmine ang picture nila ni Erwan dahil sa kanya?

Tanggi ni Anne, “No, hindi. Siya na nag-alis nun kasi nga kung anu-ano na yung mga sinabi na comment about the picture, nag-speculate na, blah-blah-blah!

“So, she decided na it’s better i-delete na lang para wala na lang pag-usapan.”

Mariin ding pinabulaanan ni Anne ang kumalat na balitang nag-break daw sila ni Erwan dahil sa lumabas na picture nila ni Jasmine.

Hindi raw sila kabilang sa listahan ng famous showbiz couples na naghiwalay sa pagsisimula pa lamang ng 2016. —PEP

For the full story, visit PEP.