How does Inah de Belen overcome her insecurities?

Hindi itinanggi ni Inah de Belen na mayroon siyang insecurities, kagaya ng kanyang height at maging ang kakayahan sa pag-arte.

“Of course, height ko, siyempre ang liit ko,” pag-amin ng aktres na 5-feet tall.

Bukod pa rito, aminado ang anak nina Janice de Belen at John Estrada na pinagdududahan din niya ang kakayahan niyang umarte.

“Siyempre there are times na iniisip ko parang, ‘Magaling ba ako?’ Ako kasi, personally, hindi ko pinapanood ang sarili ko."

“May mga times na kaya ko, may mga times na di ko kaya. Feeling ko, pag pinapanood ko ang sarili ko, nagiging kritikal ako sa sarili ko, sobra. Pero ngayon, I’m learning how to deal with it.”

Ani Inah, nagkakaroon siya ng pagdududa sa sarili kapag pinupuna siya ng ibang tao, kagaya ng bashers.

“Siyempre there are times na maiisip pag may nam-bash sa ‘yo na, ‘Ah, hindi naman ‘yan magaling!’ There are times na mai-insecure ako na, ‘Kaya ko ba talaga ‘to?’"

“But then, I always listen to my mom and I always remember her saying, ‘If you believe in yourself, if you work hard, mag-focus ka lang, just be humble. Everything will fall into place.’”

Paano niya napagtatagumpayan ang kanyang insecurities?

“Ang lagi ko naman ding sinasabi sa sarili ko, walang ibinibigay si God na hindi ko kayang gawin. Ang lagi kong iniisip, lagi akong nagdadasal and I tell myself, ‘Girl, kaya mo ‘to! Ikaw pa ba?’”

GREAT POTENTIAL

Samantala, ikinatuwa naman ng aktres ang mga papuri ng kanyang co-stars na sina Epy Quizon at Gladys Reyes.

Tinanong ng press sina Epy at Gladys kung may potensiyal ba si Inah na maging mahusay bilang artista at sumang-ayon ang dalawa.

Ani Epy, nahuhusayan siya sa pag-iyak ni Inah, habang sinabi ni Gladys na may potensiyal ang dalaga kahit na baguhan pa lang ito sa pag-arte.

Reaksiyon naman ni Inah sa mga papuri sa kanya, “Sobrang nakaka-overwhelm, kasi si Epy Quizon 'yun, si Gladys Reyes. I watched them when I was a kid. I watched their shows, I watched their movies. Lagi ko silang nakikita sa TV."

“Just hearing their good praises makes me want to work harder and motivates me more to do a better job.”

Bibida sin Inah sa pinakabagong GMA Afternoon Prime series na "Oh My Mama!" si Inah, kasama sina Sheryl Cruz, Yul Servo, Ryan Eigenmann, Francine Prieto, Arthur Solinap, Eunice Lagusad, Ash Ortega, Phytos Ramirez, Jenny Miller, Therese Malvar, Jhiz Deocareza, Bryce Eusebio, Sofia Pablo, at David Remo.

Magsisimula ang teleserye sa darating na Lunes, September 19, pagkatapos ng Eat Bulaga! — PEP

For the full story, visit PEP.