Marian Rivera, Kim Domingo, Solenn Heussaff among Kapuso stars in FHM Top 10 Sexiest Women 2016

Pasok ang ilang Kapuso stars sa taunang 100 Sexiest Woman list ng men's magazine na FHM.

Kabilang sa mga nanguna sa listahan ang Kapuso singer-actress at Ultimate Star na si Jennylyn Mercado, na nasa ikalawang puwesto ngayong 2016 matapos masungkit ang korona noong nakaraang taon.

Nasa ikalimang puwesto naman ang FHM cover girl ngayong July 2016 na si Rhian Ramos.

Ayon sa Kapuso actress at “Sinungaling Mong Puso” star sa naunang panayam, masaya siyang maging bahagi ng men's magazine matapos siyang suyuin nito sa loob ng halos pitong taon. 

“All their contents, you can learn a lot from. There's a lot of art, tech, movies. I feel like it caters to guys that I want to get to know and guys I would actually want to meet rather than a guy that I wouldn't introduce myself to. That's how I feel about it now,” paliwanag ng aktres.

Nasa ikaanim na puwesto naman ang Kapuso Primetime Queen at “Yan Ang Morning!” host na si Marian Rivera ngayong taon.

Nauna nang ipinahayag ng sikat na men's magazine ang pagnanais nilang ilagay ang proud mom sa kanilang Hall of Fame. 

Ayon sa FHM, “The three-time queen has settled in on the next chapter of her life, but her majesty still lingers over our land. She herself has stated that maybe her time on the list is up. We'd accept that, but only because we feel like we need to be placing her in a hall of fame from now on.”

Nakapasok rin sa Top 10 ang “A1 Ko Sa'yo” star na si Solenn Heussaff, na nasa ikawalong puwesto, at ang “Juan Happy Love Story” star na si Kim Domingo, na nasa ikasiyam na puwesto naman.

Bukod sa Kapuso stars, nasa Top 10 Sexiest Women rin ng FHM Philippines sina Jessy Mendiola, Nadine Lustre, Angel Locsin, Arci Muñoz, at Rachel Anne Daquis. — Bianca Rose Dabu/AT, GMA News