Supply ng kuryente sa Lunes sapat - Napocor

Tiniyak ng National Power Corp. na may 7, 400-megawatt na supply ng kuryente para sa Mayo 14. Ito ay higit pa sa tinatayang pangangailangan na aabot sa 5, 600 megawatts sa araw ng halalan. Ayon sa Napocor, ang karamihan sa karagdagang supply ng kuryente ay manggagaling sa coal-fired power plants, May dagdag na produksyon din mula sa natural gas, hydro at geothermal plants. Sa ngayon ay normal ang operasyon ng lahat ng mga planta, kasama na ang Cebu-Negros-Panay grid at mga planta sa Bicol region, sabi ng Napocor para maialis ang pangamba sa malawakang brownout na maaaring magbunsod ng alegasyon ng pandaraya sa resulta ng eleksyon. “There is now adequate power supply in the Bicol Region, even as it still remains isolated from the Luzon Grid. Our two geothermal power plants, one in Tiwi and the other in Sorsogon, are providing more than 160 MW of electricity to the region, which has an average daily peak demand of between 140 MW to 150 MW. We expect this to even go lower during the elections," saad ng Napocor sa isang pahayag sa media. “However, we still prepared contingencies that will address any power supply situation should they occur," dagdag nito. Ang mga contingencies na sinasabi ay ang paggamit ng land-based gas turbine power plants na maaaring magbigay ng kailangang back-up at reserve para sa Cebu-Negros-Panay sa Visayas. Nakiusap na rin ang Napocor sa National Transmission Corp. na magamit ang hydro power generation bilang suporta sa posibleng dagdag na pangangailangan sa Luzon. Naka-standby din ang mga power barges ng Napocor at Independent Power Producers (IPPs) na maaaring ipadala sa Mindanao kung sakaling mangailangan ng dagdag na power supply doon. “In fact, these contingency measures are put in place during the election period to address the even worst case scenario in all grids," sabi ng Napocor. Ayon pa sa Napocor, hindi lang daw sa araw ng eleksyon sa Lunes may sapat na power supply kundi maging sa mga araw bago at matapos ang May 14. “These include all back-up power plants in the main grid and off-grid areas, and their emergency equipment. They are in fact on a high state of readiness and have adequate fuel stocks to provide support power generation and black start capabilities in Luzon, all islands in the Visayas, and Mindanao . They are ready to address any power supply emergencies," saad ng Napocor sa press statement. - GMANews.TV