Pagduaw ni Arroyo sa N. Cotabato wa madayon

DAVOA CITY, Philippines - Wala nadayon ang pagbisita ni Pangulong Gloria Macapagal Arroyo sa Makilala, North Cotabato tungod sa dili maayong panahon. Nakatakda unta ang pag-abot ni Mrs Arroyo alas-11 sa buntag ug naghinam-hinam na ang mga nanugat. Sayo pa lamang sa buntag, nag-atang na ang mga tawo, empleyado ug mga dagkong opisyales sa probinsya ingon man mga awtoridad. Apan milabay na lamang ang alas-11 walay presidente nga ni-abot. Matod sa mga awtoridad, wala makalupad ang helicopter nga gisakyan sa delegasyon sa Pangulo tungod sa bagang dag-om ug nakapundo nalamang kini sa General Santos City Airport. Mobisita unta si Arroyo sa Platinum Rubber Development Corporation nga gipanag-iya sa mga pamilya Sandique sa Sitio Del Asuncion sa Poblacion Makilala. Nag-land trip na laman ang Pangulo kuyog sa delegasyon niini padulong sa lungsod sa Polomolok, South Cotabato, inay nga moadto sa North Cotabato. - Testigo may dugang report gikan sa GMANews.TV