Negosasyon sa MILF magpapatuloy – Malacanang

MANILA - Sinabi ni Press Secretary Jesus Dureza nitong Sabado na ang bagong sigalot sa negosasyon sa Moro Islamic Liberation Front (MILF) ay hindi mangangahulugan na tuluyang inaabandona ng pamahalaan ang pakikipag-usap sa rebeldeng grupo. Sa ipinadalang text message sa media, sinabi ni Dureza na ang pakikipag-usap sa MILF ay isang “continuing effort" upang makamit ang kapayapaan sa Mindanao. “The peace process is a continuing effort. In the latest talks in Kuala Lumpur over the last few days to finalize the draft agreement, there remain some differences," pag-amin ng kalihim. “Although the meeting did not immediately bring about progress in the ancestral domain issue, I am sure that the parties will continue to look for ways to hurdle the difficulties and move the process forward," dagdag ni Dureza. Sa hiwalay na pahayag, tiniyak ng Armed Forces of the Philippines (AFP) sa publiko na ang pinakabagong kaganapan sa negosasyon sa MILF ay hindi mangangahulugan ng muling kaguluhan sa rehiyon. - GMANews.TV