Oil firms kumikita ng P316M/day sa overprice ng oil products - Bayan

MANILA – Inakusahan ng militanteng grupo na kumikita ng halos P317 milyon bawat araw ang mga kumpanya ng langis dahil sa patingi-tinging pagbabawas sa presyo ng mga produktong petrolyo. Sa pahayag ng Bagong Alyansang Makabayan (Bayan) nitong Martes, sinabi na ang P317 milyon ay hiwalay pa regular na kita ng mga oil firm sa diesel, kerosene at gasolina. "Petron alone accounted for about P123.22 million in daily profiteering on diesel, kerosene and gasoline products based on its current market share of 38.9 percent," ayon sa grupo. Sa pagtaya ng Bayan na mula Enero hanggang Oktubre ng 2008 ay may overprice sa halaga ng diesel na P11.23 per liter; P12.27 sa kerosene at P6.25 naman sa gasolina. Sa datos ng Department of Energy (DOE) noong 2007, ang konsumo ng bansa sa diesel ay 6.44 bilyong litro; 1.66 bilyong litro sa kerosene; at 3.69 bilyong litro sa gasolina. "This also makes the discount scheme and other palliative measures of Arroyo and the oil firms a sham. They want to make it appear that they are helping the public cope with high fuel prices but at the same time, they dupe the people by imposing exorbitant prices and onerous taxes," ayon kay Renato Reyes secretary general ng Bayan. Nitong Lunes, inilunsad ni Arroyo katuwang ang Pilipinas Shell ang programang “Pepeng Pasada Club" kung saan bibigyan ng diskwento sa presyo ng gasolina ang mga drayber ng tricycle. Sinabi ni Reyes na kasama ring dapat sisihin ang pamahalaan kung bakit hindi ito nanawagan ng mas malaking rollback sa presyo ng mga produktong petrolyo dahil sa P38 milyon bawat araw na kinikita sa 12% Value Added Tax ng gobyerno. "The Arroyo administration's appeal to the oil companies to implement more price rollbacks in the coming weeks is lip service because government continues to benefit from high oil prices and overpriced petroleum products through the VAT. As such, it will never be the genuine intention of government to curb price abuses and substantially bring down oil prices," ani Reyes. "What is even more ridiculous is that Arroyo thanks big oil companies for future rollbacks even if all their previous rollbacks were grossly inadequate," idinagdag niya. - GMANews.TV