Mangingisda biktima sa paglupok sang dinamita

ILOILO CITY, Philippines - Isa ka manugpangisda biktima sa paglupok sang dinamita sa Barangay Punta, banwa sang Carles. Utod ang natu-o nga kamot kag nalab-ot pa ang mata sang biktima sang pulbura sang maglupok ang dinamita udto sang petsa-1 sang Nobyembre. Ginkilala ang biktima nga si Anthony Marcelo. Apisar sang hugot nga kampaniya sang kapulisan kag gobyerno probinsyal angut sa illegal nga pagpangisda ilabi na gid sa paggamit sang dinamita, wala sa gihapon sa bangunog sang pila ka mga pumuluyo ilabi na gid sa banwa sang Carles. Ginkakibot ni Billy Fausto ang matunog nga lupok sang amo nga adlaw. Aminado man ang mga residente nga padayon ang paggamit sang ilan nga mga manugpangisda sang dinamita. Wala naman nagpa-blotter ang pamilya sang biktima sa Carles police office, apang bangod sa hitabo maathag nga tutbtub san-o mahimo nga indi gid madula ang illlegal fishing. - Ratsada