Konsehal patay samtang nagtan-aw sa away ni Pacquiao

Luyo sa kadaugan ni Filipino boxing icon Manny Pacquaio batok sa Puerto Rican nga si Miguel Cotto, duna na usay kinabuhi nga nakalas samtang nagtan-aw sa bugno sa ring niadtong Domingo. Karong umaabot nga eleksyon, plano unta ni kanhi Konsehal Lord Espina sa Bansalan, Davao del Sur, nga mopapili pag-usab. Apan, niadtong Domingo, pasado ala una sa hapon, samtang nagtan-aw kini sa away ni Pacquiao ug Cotto, gi-atake kini og high blood. Gisulayan nila og dala sa hospital apan gibugtuan na kini sa iyang kinabuhi. Tungod Muslim si Espina, gilayon kining gilubong . Si Espina, siyam ka tuig ng milingkod isip konsehal sa lungsod sa Bansalan. Ug sa edad nga 43 anyos, mipanaw na kini. - Testigo