Davao City council supak sa DLPC power rate hike petition

Gigisa sa Davao City council ang mga representante sa Davao Light & Power Company atol sa session karong Miyerkules, diin ang mga konsehal nipadayag sa ilang pagsupak sa gidusong pag-usbaw sa singil sa kuryente. Wala ug tuo ang mga pangutana nga gibato sa mga konsehal batok ngadto sa opisyales sa DLPC labot sa gitakdang power rate increase. Gipasabot sa kumpanya ang ilang tumong nganong mupasaka sila sa ilang singil. Sumala pa sa DLPC ang maong lakang nakalatid na sa Electric Power Industry Reform Act (EPIRA). Wala pa may saktong kantidad kung pila ang ipasakang power rate sanglit petsa-10 pa sa Marso ipagula sa Energy Regulation Commission ang resulta sa pagdungog sa petisyon sa DLPC. Kung pila man ang power rate increase nga maaprubahan mo-epekto na kini sa umaabot nga petsa-1 sa Hulyo ning tuiga, butang nga wala gi-uyunan sa konseho. - Testigo