Barangay Lanit sa Jaro, Iloilo nahalitan sang baha

Normal na magataas ang tubig baha sa palibot sa syudad sang Iloilo, pero indi gid lang mga dalanon ang apektado diri kundi may mga kabalayan nga wala makaluwas nga masudlan sang tubig, kaangay sa barangay Lanit sa Jaro, nga nangin relocation site sang syudad. Daw kaangay nga nangin lawod ang mga talamnan diri. Ginpakamaayo na lang sang Nalang sand Department of Public Works and Highways (DPWH) nga kutkutan na lang ang Radial Road agud nga makaagi ang nagadaludo nga tubig. May ginbutang man diri nga tamburong ang IBC nga amo ang kontraktor, pero daw indi ini makasarang sa tubig. Kadam-an sa mga pamalay diri ang nasulod na sang tubig. Kaangay na lang sang balay sang pamilya Barrientos. Masobra na sa buko-buko ang tubig sang amon naabtan. Ila na ginakahig ang mga higko pagwa sa ila puluy-an. Ginkanselar naman sang Lanit Elementary kag High School ang ila klase bangod sa pagtaas sang tubig. Ano abi kay sa likod sang ila eskwelahan may kanal nga amo gid ang alagyan sang pagdaludo sang tubig. — Ratsada