Suspension sa operasyon sa minahan sa Danao City padayon

Gipaabot pa sa Department of Energy kun DOE ang accident report bahin sa tag-iya sa minahan sa dakbayan sa Danao. Tulo ka minero and nakalas sa aksidente didto. Pabiling suspendido ang operasyon sa Adelina Hermita Coal Mine sa Lawaan, Danao City. Matod sa DOE Region 7 (DOE 7) nga small-scale ra ang mining operation sa maong dapit. Apan bisan pa niini, gikinahanglan gihapong suspensohon ang pagpadagan sa minahan. Sa suspension order sa DOE 7 niadtong Sabado, gipangayo-an ang tag-iya sa minahan og explanation nga iduso sud sa 10 ka adlaw Tungod sa insidente, duna nay rekomendasyon ang ahensya sa mga nag-operate og minahan aron malikayan ang disgrasya Sa initial investigation, nakita sa DOE 7 nga dakong sayop ang paggamit sa mga biktima sa improvised drum aron mokanaog sa ubos nga bahin sa minahan. Samtang gi-andam na sa dakbayan sa Danao ang hinabang pinansyal alang sa kabanay sa mga minerong naaksidente. Gipahibaw ni mayor-elect Ramon Durano nga adunay American company nga interesadong motukod og minahan sa Danao. Padayon pa hinoon ang sabut-sabut bahin niini. — Balitang Bisdak