Ipinanukala ng Department of Education (DepEd) ang pagkakaroon ng Philippine Educational Placement Test (PEPT) na makatutulong sa mga kabataang out-of-school upang makapasok sa isang paaralan na may pormal na sistema. Ayon kay DepEd Secretary Armin Lusitro, magaganap ang PEPT sa dalawang araw ng Nobyembre:
Nobyembre 20 para sa Luzon, at Nobyembre 27 para sa Visayas at Mindanao. Layunin ng PEPT tulungan ang mga mamamayang Pilipino na napatigil sa kanilang pag-aaral sa elementarya o sekondarya. Para rin ito sa mga hindi nakapag-aral sa isang pormal na paaralan ngunit marunong magbasa at magsulat. Maaari ring kumuha ang mga may trabaho na ngunit kailangang itaas ang pang-akademikong antas nila. Ani Luistro, “Through PEPT, we would also like to validate and accredit knowledge and skills in academic areas gained through informal and non-formal means. In the end, PEPT will pave the way for their re-entry into formal schooling, job promotion, job training and employment." Requirements Ang mga aplikante ay dapat isang taong mas matanda sa edad ng dapat nilang grado o taon sa isang pormal na paaralan. Para sa exam, kinakailangang magdala ang mga aplikante ng: birth certificate mula National Statistics Office or Local Civil Registrar duly authenticated (original at two photocopies) 2 ID pictures recently taken (1-x-1") School record (original at two photocopies) mula Form 137 (Transcript of Records with school seal and signature of principal/registrar) o Form 138 (Report Card with school seal and signature of principal/registrar) para sa elementary level; at Form 137 para sa secondary. Dagdag pa nito, kinakailangang magbayad ng P50 ang mga kukuha ng PEPT ngayong Nobyembre sa mga designated testing center. Sa kabilang banda, ang mga kukuha ng walk-in o special exam sa Enero hanggang Hunyo sa DepEd sa Pasig City, kinakailangang magbayad ng P200. Test coverage Para sa antas ng elementarya, ang test coverage ay: Science Mathematics HeKaSi (Heograpiya, Kasaysayan at Sibika) Filipino English. Para naman sa antas ng sekondarya, ang test coverage ay: First Year: General Science, Elementary Algebra, Philippine History (Kasaysayan at Pamahalaan ng Pilipinas), English I and Filipino I Second Year: Biology, Intermediate Algebra, Asian History (Kasaysayan ng mga Bansang Asyano), English II and Filipino II Third year: Chemistry, Geometry, World History (Kasaysayan ng Daigdig), English III and Filipino III Fourth year: Physics, Advanced Algebra, Trigonometry, Statistics, Economics, English IV and Filipino IV. Napaghandaan din ng DepEd ang bersyon ng exam para sa mga mamamayang may visual impairment. — AF/RSJ, GMA News 
GMA Brandtalk
Tracking
Archives
