PNoy, ipinagtanggol si Llamas; Sen Miriam, humirit ng Senate probe sa paglilisensiya sa baril

MANILA – Tulad ng ibang opisyal na nasangkot sa kontrobersiya, sinalag din ni Pangulong Benigno “Noynoy" Aquino III, sa mga batikos ang kanyang political adviser na si Sec Ronald Llamas, na binabatikos dahil sa nadiskubreng AK-47 assault rifle sa kanyang sasakyan. "After the evaluation, it was determined that there was a very real threat on him (Llamas)," pahayag ni Aquino sa mga miyembro ng Foreign Correspondents Association of the Philippines (FOCAP) forum sa Makati City nitong Miyerkules. "He’s involved in so many negotiations... There are people who would not want these negotiations to prosper," idinagdag niya. Binigyan-diin pa ng pangulo na nakasaad sa Saligang Batas na karapatan ng lahat na idepensa ang kanyang sarili. "There are people allegedly trailing his children. There were people sighted in the vicinity of their house that were not identified," ayon kay Aquino. Nadiskubre ang AK-47 ni Llamas nang masangkot sa aksidente ang sasakyan nito noong Biyernes ng madaling-araw. Nasa ibang bansa naman ang kalihim nang maganap ang aksidente. Sa kanyang pagbabalik sa bansa noong Lunes, inamin ni Llamas na bukod sa AK-47, mayroon pa siyang isang mahabang armas at tatlong maliliit na baril. Iginiit niyang lisensiyado ang mga ito at gagamitin lamang bilang proteksiyon sa kanyang sarili.
For the latest Philippine news stories and videos, visit GMANews.TV 'Di pa tapos si Miriam Matapos batikusin nitong Martes si Llamas, naghain na si Sen Miriam Santiago ng isang resolusyon para hilingin sa Senado na imbestigahan ang pag-iisyu ng lisensiya ng pulisya ng mga baril. “In the spirit of transparency and due to public clamor, it is now incumbent to investigate the policies and procedures by the Philippine National Police in issuing licenses for firearms, and in issuing permits to carry firearms outside of residence, including the maximum number of firearms that can be licensed, as well as the maximum number of firearms for which permit to carry can be issued in favor of one person (like Lllamas)," ayon sa senador. Puna ni Santiago, tila mayroong double standard ang PNP sa pagbibigay ng permit to carry matapos matuklasan na may permiso si Llamas na magdala ng limang baril, kabilang ang AK-47 at M-16 rifle. “It appears that both the licenses and permit to carry were issued to Llamas after he had been appointed presidential adviser, on his mere claim that death threats have been made against him," ayon kay Santiago. Nais malaman ni Santiago ang rules and regulations na ginagamit ng PNP hinggil sa pagbibigay ng permit to carry na maaaring malisensiyahan ang isang tao at kung ilang armas ang puwedeng palisensiyahan. Aalamin din ng mamabatas kung sino ang mga tao na nabigyan ng pinakamaraming permit to carry ng PNP na magdala ng matataas na kalibre ng baril matapos ang halalan nitong nakaraang 2010. “The PNP should be made to explain clearly on the maximum period for processing applications for such licenses and permits to carry, and notice to the public, if any, given on pending applications," ayon kay Santiago. -- GMA News