14 ka mga sakop sa Tau Gamma nasikop tungod sa hazing

Daling miresponde ang Kapulisan sa Fuente Police Precinct sa tip nga adunay nahitabong initiation sa barangay Kamputhaw ning dakbayan.   Ilang nasikop ang katorse ka mga batan-on, duha niini adunay mga questionable nga mga bun-og sa ubos nga parte sa ilang lawas.   Gi kompirma sa usa sa mga biktima nga ang bun-og nunot sa pagbunal kanila gamit ang paddle.   Gani gipakita sa usa ka biktimang menor de edad sa GMA News ang iyang mga bun-og apan kalit lang siyang natumba ug nakuyapan   Gibalhug karon sa detention cell mga suspect nga sakop sa Tau Gamma Phi fraternity.   May na obserbahan ang investigator nga si PO3 Achiles Sanchez.   “Wala magkadimao ang ilang tubag. Ingon 'tong usa nag-initiation sila sa Capitol Site kuno, then ang usa niingon sab nga dinhi kuno sa Sambag Dos, then ang usa niingion nga gahapon ra kuno pero makita man gud sa bun-og nga presko pa kaayo,” matod imbestigador.   Gitun-an pa sa mga pulis ang pagpasaka ug kasong Physical Injuries in Relation to Anti-Hazing sa mga suspetsado. — Monching Auxtero, GMA Cebu