Duha ka gidudahang kawatan ug carnapper nadakpan 

Duha ka gidudahang tulisan ang nakwelyuhan sa mga pulis sa usa ka kan-anan sa Dan Juana Osmeña ug Escario. Ang mga dinakpan nga nangasamad ang mga nawong nailhan nga sila si Erik Reyes, 29 antos ug si Edward Teves, 28 anyos.   Ang duha nakuhaan ug kalibre-45 ug 357 revolver, upat ka magazines ug mga bala. Nakuha usab gikan nila ang mga identification card nga gidudahang gipanag-iya sa ilang mga nabiktima. Lakip usab niini ang mga yawi sa hotels, laptop, cellphones, mga bag u gang sachets sa gidudahang shabu.   Gikataho nga gialarma ang Toyota Vios nga adunay plate number PII 399 nga maoy gigamit sa mga suspetsado isip get-away vehicle sa niaging adlaw human mangawat ug laptop. Giingon nga ang nahisgutang sakyanan na-carnap sa kauluhan.   Daling misusi sa Cebu City Police Office ang tag-iya sa laptop ug positibong giila ang mga suspetsado nga maoy nangawat kaniya.   Usa usab ka hotel representative ang misusi sa presinto sanglit nabiktima usab siya nila ni Reyes ug Teves.   Kasong illegal possession of firearms, illegal possession of drugs and paraphernalia, theft, robbery ug carnapping ang mga dinakpan. — Ana Desamparado, GMA Cebu