LGBT group: Tagapagtanggol namin si Robredo

Ipinahayang ng samahan ng mga lesbian, gay, bisexual at transgender ang kanilang pagluluksa sa pagkamatay ni Secretary Jesse Robredo ng Department of Interior and Local Government. Sa ulat ni Glenn Juego ng dzBB, sinabi ni Bemz Benedito, Chairperson ng party-list group na LADLAD, malaking kawalan umano si Robredo sa gobyerno. Kahangahanga, anya, ang pamamalakad ni Robredo dahil kakampi ito ng mga tinatawag na mga "marginalized sector" at nagsilbi umano ang kalihim na tagapagtanggol ng mga gay, lesbian at transgender. Kaisa umano ang kanilang grupo sa pagdarasal para mabigyan pa ng lakas ang pamilya ni Robredo. "In this time of sadness and loss, we pray for the soul of Secretary Jesse Robredo. A great man, humble public servant and truly a remarkable leader worthy of emulation. We also offer the same to the pilots who are equally wonderful people," ayon kay Benedito sa official Facebook page ng LADLAD partylist. — LBG, GMA News