Bilang ng mga dayuhan nasa ating bayan

Sa datos ng 2010 Census of Population and Housing (CPH), lumitaw na nasa 177,368 ang mga dayuhang naninirahan sa Pilipinas. Alamin kung saang bansa nagmula ang pinakamarami sa kanila. Sa datos ng 2010 CPH, lumitaw na hanggang May 2010 ay nasa 177,368 ang bilang ng mga dayuhang naninirahan sa Pilipinas. Pinakamarami sa kanila ay nagmula sa Amerika na umaabot sa 29,959. Pumangalawa naman ang nagmula sa China (28,750 katao), na sinundan ng Japan (11,583), India (8,963) at Canada. Sa National Capital Region (NCR) naninirahan ang pinakamalaking bilang ng mga dayuhan (31.1%) at sumunod ang Autonomous Region in Muslim Mindanao (22.3 %). Pinakakaunti naman ang nasa Region IX o Zamboanga Peninsula (0.9%) at CARAGA Region (1%). Paliwanag sa datos: “As in past censuses of population, the 2010 Census of Population and Housing (CPH) used the de jure concept of enumeration wherein households and persons are enumerated in the area where they usually reside as of the census reference date. For 2010 CPH, the reference period was May 1, 2010. “Included in the enumeration are citizens of foreign countries who have resided or are expected to reside in the Philippines for at least a year from their arrival, except members of diplomatic missions and non-Filipino members of international organizations and civilian citizens of foreign countries who have their usual residence in the Philippines, or foreign visitors who had stayed or are expected to stay for at least a year from the date of their arrival," paliwanag sa naturang ulat ng Census. – FRJimenez, GMA News