PAL miangkon sa depekto sa flight PR 812

Giangkon sa Philippine Airlines (PAL) management nga dunay depekto ang steering wheel sa eroplano sa Flight PR 812 hinungdan sa pagkalangan sa pagkanaog sa mga pasahero niini. Gikatahong naguba ang manubela sa eroplano human kini motugpa pasado alas tres sa hapon Huwebes sa Davao International Airport. Gikan sa Manila ang eroplano ug dihang nitugpa kini kalit kunong nawala ang kontrol sa manubela niini, hinungdan sa pagkatanggong og dul-an sa usa ka oras sa mga pasahero. Apan giklaro sa PAL management nga simple lamang ang nahiagumang kadaut sa eroplano ug wala nay laing daut niini. Una pa molupad ang eroplano, nipahibalo na ang piloto sa mga pasahero nga dunay gamayng problema. Nakalupad na’g usab Biyernes sa buntag ang abyon nga nadautan. Mipasalig ang PAL management nga hingpit na ang airworthiness sa eroplano. Madumduman nga niadtong Huwebes, duha ka PAL flights ang nakasugat og aberya. Una niini ang pag-overshoot sa Tacloban runway sa usa ka flight ug ang ika-duha ang pagkadaot sa manubela sa flight PR 812 sa Davao eairport. -Testigo