Ex-mayor Garcia dili modagan?

Gipahibawo ni kanhi Cebu City mayor Alvin Garcia nga dili na siya modagan pagka-mayor sa umaabot nga piniliay, apan nisulti usab kini nga andam siyang moatbang kang Mayor Tomas Osmeña kon gikinahanglan. Kini gibutyag ni Garcia atol sa press conference nga gipahigayon sa mga miyembro sa line-up sa oposisyon nga modagan pagka-konsehal. Hinoon, giklaro ni Garcia nga duna pa siyay higayon hangtod sa Marso 29 paghuna-huna kon modagan ba siya o dili. Malaumon ang mga kaalyado ni Garcia nga modagan ra usab kini aron moatbang kang Osmeña. Sila si Tony Luy, Franklin Seno Ramy Madarang ang pipila sa mga gipilian nga maoy himoong running mate sa ilang grupo. Wa hinoon ikabalaka ni Mayor Osmeña ang pagtumaw sa “long-list" sa oposisyon. Agig tubag sa mga akusasyon sa oposisyon, niingon si Osmeña nga way kapasikaran ang mga isyu nga giyagyag ni Garcia atol sa press conference, labi na ang isyu sa South Reclamation Project. –Balitang Bisdak