Klase sa eskwelahan sa Albay, sinuspindi dahil sa bagyong 'Santi'

Kinansela ni Albay Governor Joey Salceda ang mga klase sa elementarya at high school sa lalawigan nitong Biyernes ng hapon dahil ng masamang panahon dulot ng bagyong "Santi."
 
Ginawa ang pagkansela sa mga klase upang mailayo umano sa kapahamakan ang mga mag-aaral at makamit ang hangaring nilang "zero casualty."
 
Tinatayang 647 pasahero na ang stranded sa iba't ibang pantalan sa Bicol region. Pinakamarami ang nasa Tabaco port, at mayroon ding standed sa San Andres, Catanduanes at Pasacao Port sa Camarines Sur.
 
Mahigpit namang ipinagbabawal ng  Albay Public Safety Emergency Management Office sa kanilang mga kababayan ang pagtawid sa mga ilog at malalalim na baha.
 
Kasabay nito, kinansela rin ng Department Of Transportation and Communication ang biyahe ng eroplano na Manila to Naga (vice versa).
 
Nakataas ang Storm signals sa mga sumunod na lugar:
 
Storm Signal No. 3:
 
Aurora
Isabela
Quirino
Nueva Vizcaya
Ifugao
Benguet
La Union
Ilocos Sur
Pangasinan
Mountain Province
Tarlac
Nueva Ecija
Northern Quezon including Polilio Island
Northern Zambales
 
Signal No. 2:
 
Metro Manila
Ilocos Norte
Northern Cagayan
Apayao
Kalinga
Abra
Rest of Zambales
Pampanga
Bataan
Bulacan
Rizal
Rest of Quezon
 
Signal No. 1:
 
Calayan and Babuyan Islands
Cavite
Batangas
Laguna
Northern Mindoro
Lubang Island
Marinduque
Camarines provinces
Catanduanes -- MBJaucian/FRJ, GMA News