Vigan City, pasok sa Top 14 ng New7Wonders cities

Nagbunga ang ibayong kampanya ng lokal na pamahalaan ng Vigan City at pamahalaang panlalawigan ng Ilocos Sur makaraang nakapasok ang lungsod sa Top 14 ng New7Wonders cities.
 
Nitong Miyerkules, ipinost [post] sa Facebook page ng New7Wonders ang mga siyudad na nakapasok sa Top 14.  Binubuo ito ng mga sumusunod na lugar: 
 
Barcelona (Spain)
Beirut (Lebanon)
Chicago (United States)
Doha (Qatar)
Durban (South Africa)
Havana (Cuba)
Kuala Lumpur (Malaysia)
La Paz (Bolivia)
London (United Kingdom)
Mexico City (Mexico)
Perth (Australia)
Quito (Ecuador)
Reykjavik (Iceland)
Vigan (Philippines)
 

 
Lubos naman ang pasasalamat ni Ilocos Sur Gov. Ryan Singson sa suportang natanggap ng Vigan.
 
Aniya, “Salamat sa inyong lahat sa pagtulong at nakapasok ulit tayo. Sana tuloy-tuloy pa ang pagsuporta niyo sa Vigan para sa Final 7. In behalf of the people of Ilocos Sur, taos puso po akong nagpapasalamat.”
 
Noong 1999, idineklarang World Heritage Site ng  United Nations Educational, Scientific and Cultural Organization (UNESCO) ang Vigan.
 
Ayon sa UNESCO,  "[the city] represents a unique fusion of Asian building design and construction with European colonial architecture and planning." 
 
Malalaman ang ang Final 7 New7Wonders cities sa December 7. -- Bianca Rose Dabu, GMA News