Pagpamusil padayon sa Monkayo

Nagpatawag og special meeting ang Monkayo peace and order council (MPOC) tungod sa sunud-sunod nga insidente sa pagpamusil nunot sa padayon nga pag-init sa politika sa Compostela Valley. Gipahigayon ang special meeting ubos sa awhag sa mga barangay kapitan nga karon nabalaka na sa ilang siguradad. Labot niini, gipadangat na nila ngadto sa mga pulis ang giingong mga gikahibudngang kalihukan nga naghulga sa siguridad. Bisan pa sa gipahimutang nga checkpoint sa Monkayo, gisugyot sa MPOC nga dunagan pa ang mga checkpoint ilabina sa mga area diin sagad maki-an ang mga “tirador." Gihangyo usab sa mga kapitan, ilabina ang mga mikandidato, nga tugutan sila sa pagdala sa ilang mga armas tungod kay wala pay tubag ang Commission on Elections sa ilang petition for exemption sa gun ban. Gani, niadtong Sabado sa udto, gipusil si barangay captain Jose Munez og naa pa kini karon sa kritikal nga kondisyon sa hospital. Gikan pa ang biktima niadtong tungura kang Congressman Manuel Zamora tungod kay supporter kini sa kongresista. Si Munez ang ikatulong biktima sa pagpamusil sulod lamang sa usa ka semana, apan dili pa gihapon makumpirmar kon duna bay bahid politika ang pagpamusil. -Testigo