3 USAID staff samdan sa pagpamomba

Samaran ang tulo ka mga empleyado sa Growth for Equity in Mindanao-USAID nga nabuthan sa gilabay nga Granada Martes sa gabii sa Pikit, North Cotabato. Gikatahong naglingaw-lingaw lamang sulod sa ilang opisina ang mga empleyado sa GEM-USAID dihang duha ka granada kalit nga gilabay sa sulod pasado alas siete sa gabii, hinungdan sa pagkasamad sa tulo. Nasamaran sa pagpamomba sila si Engr. Mario Tabosares, 26, Engr. Alfredo Cabardo, 53, ug Damrod Dalandangan, 28 anyos. Si Engr. Cabardo ang nakahiagom ug dili tiawng samad. Wala pa masayri ang kung unsay motibo sa pamomba ug wala pay matudlo ang mga pulis. Gialarma na ang tibuok Region 11 sanglit tulo na ka sunud-sunod nga insidente sa pagpamomba ang nahitabo sa Central Mindanao—una sa Cotabato City, sunod sa Midsayap ug karon dinhi na sa Pikit, North Cotabato. -Testigo