2 ka mga bata ginpatay sang amay

Duha ang patay, isa ang yara sa critical nga condition matapos nga ginpangbuno sang amay ang iya duha ka mga lamharun nga mga anak pagkatapos buno sa iya asawa. Ang mga napatay amo sanday Ruel Sayson Jr., 3, kag Rocelyn Sayson, isa ka tuig, kag yara naman sa hospital ang iloy nga sanday Rezil Sayson, 25. Ang suspetsado nga padre de pamilya amo si Ruel sayson Sr., 29, mangisngisda sang poblacion, Zone 3 Estancia, Iloilo. Suno sa saksi nga si Raul Sulayao, yari ini sa sini nga waiting shed mga las otso Lunes sang gab-I, updanay nga nagalakat sa dalan ang mag-asawa. Ginkungkung sang iloy ang isa ka tuig nga bata sang gulpi lang nga ginbuno sang plamingko sa kilid ang asawa diri kag nabuy-an ni Rezil ang iya nga bata sa tunga sang karsada. Dumalagan ang asawa sa sulod sining kalan-an. Ginlagas pa kuno sang bana kag sang makita ang stainless knife nga ini kinuha kag pinatarasakan buno ang asawa. Pagguha ginpalapitan ang duha ka bata nga nagahibi sa tunga sang karsada nga ginbilin sang asawa. Una nga ginbuno ang isa ka tuig nga bata naigo sa dughan, gindasun ang tatlo ka tuig. Matapos mabuno ang iya bata kag asawa ginbitbit ang kamagulangan nagsaka sa sini nga atup sang NIPC agud kontani manginmatay. Pero sa pagnegosyar sang mga pulis nalugpayan kag napapanaog ang bata dala si Ruel pero doa gid ang duha ka bata sa hospital. Pasado las kwatro kaina sang kaagahon nag-abot diri sa Western Visayas Medical Center ang 24 anyos nga si Rachel Sayson. Nagabawi pa ini sa kakapoy pagkatapos sang iya inagihan sa kamot sang bana sang naabtan sang Ratsada. Mahamu-ok ang katulugon sini kag suno sa iya mga himata nga nagabantay, indi pa gid ini makahambal sang madugay. Anum ka mga pilas sa likod kag isa sa dughan tuga sang pagbuno ang naagom ni Rachel sa iya bana. Tumandok sang Masbate ang babaye gani ang mga kaingod lang gid sini kag ang pamilya sang bana ang nagmato-mato sa pag-asikaso sa iya sa hospital. Duha ka mga utod ni Ruel ang nag-upod diri sa ciudad kay Rachel subong man ang tiyo sang iya bana. Nagalibog ang ulo sang mga ini bangud sang kadasig sang hitabo, wala gid kuno sila kapreparar kag indi man makadesidir para kay Rachael bangud wala ang pamilya sini. Tuman kadamo man ang skedyul sa operating room sang surgeon ni Rachael gani bisan isa sa ila ang wala pa gid kuno sang ideya kun kumusta na gid man ang kahimtangan sang babaye. Pagkatapos sang pila ka oras nga tulog, nabugtawan si Rachel. Tam-an ka athag ang pag-antus sini. Daw haluson gani nga makahulag sang mga batiis. Ginahaum-haum na lang sang himata ang luyag ni Rachel kaangay sang pag-inom sang tubig kun sa diin ginabasa lang sang bulak ang iya mga bibig. Pagpangimun ang rason kon nga-a ginpatay ni Ruel Sayson ang iya duha ka mga bata kag iya asawa nga yara sa critical nga condition. Ginpanginwala ni Ruel nga nagapangimun siya, ginbuno sini ang duha ka bata kag asawa bangud naimpito sa asawa nga wala nagapauli sa ila nga balay. Kun nagpauli lang kuno ang iya asawa posible wala ini natabu. Pero suno sa mga pulis kag nakakilala sa mag-asawa, kalbaryo ang na-agyan sang asawa sa iya. Palainum kag kasami pagpauli ginsakit ang asawa. Duha ka adlaw antis ini matabu ginsunog ni Ruel ang mga bayo sang iya bata. - Ratsada