Pinoy DOTA gamers, pinigilan ng BI, POEA na makalabas ng bansa para sana lumaban

Nabigong makalabas ng bansa noong nakaraang linggo, Abril 3, ang Pinoy professional gaming team na Rave matapos silang pigilan ng Bureau of Immigration (BI) at Philippine Overseas Employment Administration (POEA) na makabiyahe patungong South Korea para sana lumaban sa kompetisyon.
 
Sa kaniyang Facebook post, naglabas ng hinanakit ang Rave member na si Jio “Jeyo” Madayag sa nangyari, " What kind of country stops their own country men from pursuing their dreams for the pride of their country?"

 
Dagdag pa niya, "even though 3 of my team mates had all the legal documents prepared, they stopped them from boarding the plane. Asking for unnecessary documents that you need to pay for."


 
Kaugnay nito, pumasok na si Senador Bam Aquino sa nangyari at hiniling sa BI at POEA na ipaliwanag ang dahilan ng pagpigil sa game players.
 
“(These gamers) have traveled several times to South Korea using the same documents they presented in the past without any hitch. Suddenly, they were barred from leaving without any valid reason,” nakasaad sa inilabas na pahayag ni Aquino.

 “[The] Government should be able to provide an environment where our athletes, online or offline, be able to hone their skills, compete in world class competitions, and give honor and pride to our country,” ayon pa sa senador.
 
Ang miyembro ng DOTA Rave team na pinigilang magtungo sa South Korea ay sina Mark “Cast” Pilar, Djardel “Chrissy” Mampusti at Ryo “ryOyr” Hasegawa.
 
“We will continue helping them in any way we can because we believe in their potential in bringing honor to our country,” anang senador.
 
Samantala, sa inilabas na pahayag nitong Lunes, Abril 6, ng Bureau of Immigration, iginiit nila na ipinatutupad lang nila ang kanilang patakaran.
 
"The BI implements the guidelines on departure formalities issued by the Inter Agency Council Against Trafficking (IACAT). Under Part II of the guidelines, Overseas Filipino Workers (OFW) must possess an Overseas Employment Certificate (OEC) upon departure," ayon kay BI spokesperson Elaine Tan.
 
Sa pahayag na makikita rin sa website ng BI, sinabing ang tatlong pinigilang makaalis ay mayroong Korean E-6 visas, na ikinukonsiderang working visa.
 
Ang E-6 visas ay ibinibigay umano sa mga nais kumita "through entertainment, sports and the like," paliwanag ng BI.
 
Sinabi ni Tan na nakikipagugnayan na ang BI sa POEA para mapadali ang proseso sa publiko.
 
"(But right) now, we must implement the guidelines," ani Tan.
 
Pinaalalahanan din ng BI ang mga Pinoy na bibiyahe sa labas ng bansa na mayroong employment visa na kumuha ng Overseas Employment Certificate mula sa POEA bago umalis. —FRJ, GMA News