Cardinal Sin inalala sa ika-2 taon ng pagpanaw

Pinangunahan ni dating Pangulong Corazon Aquino at ng ilang lider ng Simbahang Katolika nitong umaga ng Huwebes sa Katedral ng Maynila ang mga deboto, kamag-anak at kaibigan upang alalahanin ang ikalawang death anniversary ni Manila Archbishop Jaime Cardinal Sin. Si Balanga, Bataan Bishop Socrates Villegas, ang kinikilalang “protégé" ni Sin, ang nanguna sa pagbibigay ng misa at sermon, kasama niya ang mahigit kumulang 20 miyembro ng ka-parian sa altar. "I miss the strong guiding hands of our prophet to lead us from darkness to light," sinabi ni Villegas tungkol sa kontribusyon ni Sin sa pagpapabagsak ng rehimeng Marcos. Idinagdag pa niya, “Those hands reached out to countless brothers and sisters needing consolation in the jails or in the congested government hospital. Those hands guided us, shielded us from harm, drove away our anxieties and pointed us the way to the promised land beyond EDSA 1986." Bukod kay Aquino, naroon din sina Catholic Bishops Conference (CBCP) president Archbishop Angel Lagdameo gayundin sina Bishops Guillermo Afable and Rolando Tria Tirona. Sumali rin sina former ambassador to the Vatican Francisco Alba at Ambassador to the Holy See Leonida Vera, maging ang kapatid ni Sin, na si Ramon Sa parte ni Aquino, pinasalamatan niya ang namayapang cardinal sa tulong nitong ipanumbalik ang kalayaan at demokrasya ng bansa. "Kung wala si Cardinal Sin wala rin tayong People Power," sinabi ni Aquino. Idinagdag pa ni Aquino, "I wish there would be another Cardinal Sin ... but I pray that the Lord send not just one but many people like him." Pumanaw si Sin noong June 21, 2005 dahil sa multiple heart failure. Nagretiro siya bilang archbishop ng Maynila noong Setyembre ng 2003, isang buwan matapos ang kanyang kaarawan. "He was archbishop of Manila for 29 years and throughout a turbulent period in the nation's history. He's hailed as a hero of EDSA I, the People Power which brought to an end the dictatorship of Ferdinand Marcos," sinabi ni Roman Catholic Archdiocese of Manila (RCAM) noong Miyerkules. - Mark J. Ubalde, GMANews.TV