Wyeth Phils gitagalan og 2 ka semana sa DOH Region 11

Gitagalan sa Department of Health (DOH) Region 11 ang Wyeth Philippines og duha ka semana sa pag-recall sa gikatahong depektibong produktong mga gatas sa kumpanya. Subay sa recall order nga gipagawas sa Bureau of Food and Drugs (BFAD), gihatagan usab ug kopya sa recall order ang Region 11 sa DOH. Gimando usab ni Dr Paulyn Jean Ubial, director sa DOH 11, ang pag-isyu sa BFAD order ngadto sa tanang department stores. Di pa lang dugay, nasayran sa GMA News nga dunay mokabat sa duha ka milyong milk-formula products sa Wyeth Phils ang nabilin sa gipa-recall sa BFAD. Ang mga brand name sa mga Wyeth milk products nga gipa-recall, nga namantala sa mga nasyunal nga pahayagan, gilangkuban sa Bonakid, Bonamil, Bonna, Progress Gold, Promil, Promil Gold ug Promil Kid. - Testigo