Batas vs cyber-sex crimes itutulak ng Marikina congressman

Isusulong ng isang baguhang mambabatas sa Marikina ang pagpapatibay ng isang batas laban sa cyber-sex crimes at pagpapataw ng mabigat na parusa laban sa mga gumagawa ng ganitong krimen. Sinabi ni Representative Marcelino Teodoro, (1D) Marikina, na patuloy na dumarami ang cyber-sex operations sa bansa dahil sa kakulangan ng batas laban dito. “This [cyber-sex] is becoming a big social menace. Imagine, minors are usually being victimized here out of greediness by some unscrupulous individuals. Legislation must be passed to put an end to it," ani Teodoro. Sinang-ayunan naman ang obserbasyon ng mambabatas ni Chief Superintendent Rodolfo Mendoza Jr, deputy chief ng Philippine National Police (PNP) Directorate for Investigation and Detective Management. Ayon kay Mendoza, walang kaukulang batas laban sa cyber-sex crimes na kadalasan ay maykinalaman sa child pornography. “The PNP usually charges cyber-sex operators with [violation of] Republic Act 9208 or an Act to Institute Policies to Eliminate Trafficking In Persons…. But there are many forms of cyber-sex crimes that do not fall under this law. For example, there is no law against operators of child pornography in the Internet. We need a new law to counter this," ani Mendoza, hepe ng anticyber-sex crimes campaign ng PNP. Kumikita ng malaki ang cyber-sex operators sa pangloloko sa mga menor de edad, ayon kay Teodoro. Ayon sa kanya, karamihan sa mga niloloko ng mga operator mga bata. Kinukuhaan umano ang mga bata ng video habang nagtatalik at ibenebenta ang mga video sa mga foreigner sa pamamagitan ng Internet. “Poverty, lack of employment opportunities and guidance from their parents has led these children into being recruited by cyber-sex syndicates, lured into earning easy money doing sex in the Internet," dagdag ni Teodoro - GMANews.TV