Ekonomiya ng PHL lumago ng 5.8% noong 2015

Lumago ang ekonomiya ng Pilipinas ng 6.3 percent sa huling tatlong buwan ng taong nagdaan, ang pinakamataas na paglago noong 2015.

Pero mas mababa ito kumpara sa 6.6 percent noong 2014, batay sa datos ng Philippine Statistics Authority (PSA) na inilabas nitong Huwebes.

Samantala, ang gross domestic product (GDP) sa Q4  kaparehas lamang sa "revised 6.1 percent" target noong  Q3, at hindi natupad ang target ng pamahalaan.

"The fourth quarter GDP was driven by the Services sector which accelerated to 7.4 percent from 5.6 percent while Industry decelerated to 6.8 percent from 9.1 percent," ayon kay National Statistician Lisa Grace S. Bersales sa isang pulong-balitaan.

"On the other hand, Agriculture contracted by 0.3 percent from a growth of 4.2 percent in the previous year," dagdag ni Bersales.

"Agriculture pulled down the growth," ayon naman kay outgoing Socioeconomic Planning Secretary Arsenio M. Balisacan.

"Serious threats" influenced the output, dagdag niya. Malaking epekto rin umano ang El Niño phenomenon.

"We cannot afford to be complacent. We need to build resiliency in each sector of the economy... If we let the numbers for the past six years speak for themselves, agriculture seems to be the most persistent road block to economic growth," ani Balisacan.

"There is an urgent need to rethink the development strategy for this sector... We need to revitalize agriculture efforts," dagdag niya.

Ang GDP ay ang kabuuan ng perang katumbas ng lahat ng mga produkto at serbisyo na nalikaha ng bansa sa isang particular na yugto.

Umabot sa 5.8 percent ang GDP ng bansa noong nakaraang taon, bumaba ito mula 6.1 percent noong 2014.

Ayon sa isang market strategist ng BDO Unibank hindi "disappointing" ang kinalabasan ng GDP noong 2015.

"This is in line with our full-year forecast na  5.7 percent ... Our fourth quarter 2015 expectation is 6.3 percent," ayon sa strategist na si Jonathan Ravelas.

Samatala, nauna nang sinabi ni Secretary Balisacan na dapat ma-achieve ng ating ekonomiya ang 6.9 percent na GDP sa Q4 ng 2016 para matamo nito ang full-year growth.

Matatandaang 7 percent hanggang 8 percent ang full-year GDP target ng pamahalaan noong 2015. — LBG, GMA News