9, 198 pumasa sa mga umulit ng nursing exam

Halos 70 porsyento o 9,198 mula sa 13,338 nurses na boluntaryong nag-retake ng Test 3 at 5 ng kontrobersyal na June 2006 nursing licensure exam ang nakapasa na at ngayo’y ganap nang makapaglilingkod sa propesyon. Ipinahayag ng Labor Department nitong Lunes na pumasa ang 68.96 na porsiyento ng 13,338 nurses ang pumasa na sa pagsusulit upang makakuha ng lisensya. "A total of 13,338 nurses licensed pursuant to the June 2006 NLE took the voluntary retake examination and 9,198 or 68.96% passed. The rest (4,140) failed to meet the passing grade of at least 75% in both Tests III and V. Results of the voluntary retake examination, however, will not affect their status as licensed nurses," ayon sa website ba naglalaman ng resulta ng nursing licensure examination (www.specialnursingreview.dole.gov.ph/SNResult). Ang mga nabigong mag-retake ng eksamen ay hindi makakukuha ng US VisaScreen Certificate. Isang nursing graduate ng Our Lady of Fatima University ang nanguna sa 2007 Nursing Licensure Examinations (NLE), ayon sa Professional Regulations Commission (PRC) nitong Linggo. Sinabi ni Leonor Rosero, pinuno ng PRC, ang passing rate para sa first-time takers, repeaters at voluntary examinees ay 48.18 percent o umabot ng 31,275 mula sa 64,909 na kumuha ng pagsusulit. Lumabas ang kumpletong listahan ng mga nakapasa sa ilang pangunahing pahayagan nitong Lunes. Sinabi ni Rosero na nakakuha ng 88 percent ang topnotcher na si Darlene Chutuape. Pumangalawa naman sa kanya si Romeo Pangilinan (87.8%) mula sa De Ocampo Memorial College of Nursing. Sina Pierre Florendo ng Mount View College at Mona Lisa Pua ng Chinese General Hospital School of Nursing ay parehong nasa third place (87.2%). Noong 2006, nadungisan ang resulta ng nursing exam dahil sa alegasyon na nagkaroon ng malawakang dyaan sa pagsusulit at kinasasangkutan pa ito ng mga opisyal ng Board of Nursing ng PRC at iland review centers. Dahil dito, naghain na ng kaso si Ombudsman Merceditas Gutierrez laban sa dalawang miyembro ng Board of Nursing na sangkot diumano sa katiwalian. Pinangunahan ng Labor Department ang voluntary retake examination ng Test 3 at 4 ng June 2006 Nursing Licensure Examination upang mag-qualify sa US VisaScreen certificate, na kailangan upang makapagtrabaho sa Amerika. Kaugnay nito, sinabi ng Department of Labor and Employment (DOLE) na magsisimula na sa Sept. 3 ang pagbibigay ng DOLE Secretary sa Intramuros ng certificate sa mga nakapasang nurses. Ang bigayan ng certificates ay mula alas-9 ng umaga hanggang alas-12 ng tanghali at mula 1:30 ng hapon hanggang 4:30 ng hapon. Nagtakda ng schedule ang DOLE para kunin ng mga pasadaong nurses ang kani-kanilang certificates. "Those residing outside of Metro Manila who wish to claim their Certificates via the DOLE Regional Offices are advised to register with the Regional Office nearest their place of residence/work. The DOLE Central Office shall transmit (in batches) the Certificates within 3 days from receipt of notice from the Regional Office concerned," ayon sa DOLE. Kinakailangang magpakita ng authorization letter at photocopy ng PRC License ng nag-eksamen ang proxy claimants o representatives. Ang kumpletong listahan ng mga nakapasa ay makikita sa special website ng DOLE para sa mga nag-special exam (www.specialnursingreview.dole.gov.ph/SNResult). "Those residing outside of Metro Manila who wish to claim their Certificates via the DOLE Regional Offices are advised to register with the Regional Office nearest their place of residence/work. The DOLE Central Office shall transmit (in batches) the Certificates within 3 days from receipt of notice from the Regional Office concerned," ayon sa DOLE. Ang schedule ng pagbibigay ng certificates mula Sept. 3 hanggang 27 ay ang sumusunod: September 3: Aala-Angeles September 4: Angelo-Barcelon September 5: Barcelona-Bumidang September 6: Bunagan-Castillo September 7: Castillon-Cuarteros September 10: Cuasa-Dimaano September 11: Dimacale-Fabros September 12: Facto-Gidoc September 13: Gil-Jimenez September 14: Jimera-Llena September 17: Llenes-Marcelo September 18: Marcia-Navarris September 19: Navarro-Pacho September 20: Pandan-Racelis September 21: Racho-Sables September 24: Sabud-Somejo September 25: Somorostro-Tomas September 26: Tomboc-Villegas September 27: Villena-Zuñiga - Mark J. Ubalde, GMANews.TV