51 mga barangay ipaidalum sa state of calamity

Naglab-ot na sa 51 ka mga brangay sa siyudad sa Iloilo ang baldado bangud sa baha nga gintuga sa kapin duha ka semana nga paga-ulan. Natalana nga pagatalakayun sang city council ang hingyo ni Mayor Jerry Treñas nga ipadalum sa state of calamity ang syudad. Base sa listahan sang City Social Welfare and Development Office, 51 tanan ka mga barangay ang nalubog sa baha. Ang paagi sa pagpaidalum sa state of calamity gilayon nga masabat ang danyos nga gindala sang baha subong man ang paghatag sang suporta para sa relief, rehabilitation, reconstruction kag iban pa nga serbisyo para sang mga biktima. Masobra P40 milyones subong ang calamity fund sang City government. Samantala, nagsilak na ang adlaw sumugod Lunes kag matapos sang kapin duha ka semana nga pag-ulan ulan, balik na sa normal ang kalabanan subong. Lakip na diri ang pag-eskwela sang mga estudyante. Pero ang Graciano Lopez Jaena Elementary School indi pa normal ang eskwela. Sa baylo nga sa sulod na sang classroom, sa gwa nagatambay ang mga kabataan. Ginsuspendir ang klase Martes. Suno kay Girlie Gabinete, officer-in-charge sang school, dapat tinlu-an pa anay ang ila eskwelahan subong tungod indi pa gid mapuslan. Isa lamang sa problema ang mabaho nga tubig baha nga wala pa naghubas sa ugsaran sang buluthuan. Nagakabalaka na ang mga manunudlo bangud madugay na sila nga wala nakaklase. Magluwas nga maayawan na sila pabalik sa atensyon sang mga estudyante, naglip-ot na subong ang tion nga ila tani pagtutok sa edukasyon sang mga ini. - Ratsada