Dalan sa Iloilo paralisado sa landslide

Masobra na duha ka semana nga indi ma-agyan sang mga salakyan ang dalan sang barangay Cawayanan, Miag-ao, Iloilo. Nag-umpisa ang problema sang nagligad ang landslide sang nagligad nga Setyembre. Sa una daw indi pa gid tuman ang pagkaguba sang dalan pero sang dalayon ang ulan nangin pareho na sini ang sitwasyon. Maswerte ang mga barangay antes sa naguba nga dalan. Pero ang pulo ka mga barangay padulong sa Alimodias ang naperwesyuhan sang labi. Pati ang apat ka mga eskwelahan lubos nga nagaproblema sang transportasyon. Napadulungan na sang municipal engineer ang lugar kag may nakita pa man nga solusyon pero temporaryo gid lamang. Nagpangayo na sang bulig ang lokal nga panguluhan sang Miag-ao sa probinsiya. Pero yara pa ang heavy equipment nga gamiton sa pagkay-o sang dalan sa San Joaquin. Mahimo suno kay Engr. Diosdado Pacon nga ma-obra na nila ang dalan duha tubtub tatlo ka semana halin subong. Pananglitan masolusyon na temporaryo ang dalan isa sa gihapon sa mga problema kon paano makatipon sang daku nga pundo agud mas makahimo sang maayo nga dalan nga maluwas sa landslide. - Ratsada