11 produkto mula China ipinababawi ng BFAD sa pamilihan

Naglabas ang Bureau of Food and Drugs (BFAD) ng listahan ng 11 produktong pagkain mula sa China, kabilang na ang candy at luncheon meat, na may halong formaldehyde. Sa advisory na inilabas noong Oktubre 18 subalit inilagay sa BFAD website (http://www.bfad.gov.ph) nito lamang Lunes, iniutos ang pagbawi ng mga naturang produkto sa mga pamilihan. "BFAD has already issued a directive to the concerned importer and/or distributor of the said products as well as supermarkets to immediately recall or withdraw the above products from the market," ayon kay BFAD director Leticia Barbara Gutierrez sa advisory. Kabilang sa nga produktong ipinababawi ay ang: * Fat and Thin Lo Han Kou Pei Pa Koa candy (importer Hua San Wan Foodmart Inc., Supervalue Inc., SM City Cagayan); * Sau Tab Noodle King Dried Mix, Soya Bean Paste (Sun Shun Fuk Foods Co., Ltd., importer Jeegs Ace Teamwork Inc., Metro Ayala Center Supermarket); * Taro Milk (Nature & Nutrition & Healthy Delicious and Incomparable!) (Huajia Foods Co. Ltd., Jinjiang City, imported by Metro Legaspi Supermarket); * Natural is Best 200 (importer Supervalue Inc., SM City Cagayan); * Wang Fu Yuan The Best For You 120 (Hong Kong Liangshi Food Co. Ltd., Wanfu Food Factory; importer Unite General Merchandise); * Golden Monkey Milk Candy (Shanghai Golden Monkey Food Co. Ltd., importer Unity General Merchandise); * Xinlong Nougat Candy (Xinlong Food Co. Ltd., Zhongshan City, importer Unity General Merchandise); * Aoxiang (importer Coen General Merchandise); * Sheng Long Marshmallow/Bunny Marshmallow (Zhongshan Kunbo Foodstuff Import & Export Corp., importer Coen General Merchandise); * Maleng pork luncheon meat (Chongqing Winsun Foodstuff Co. Ltd., importer JRY Mart); at * Nicefoods Sweet Orange C% (importer Camellia Food Manufacturing). Ayon sa ulat ng QTV 11 nitong Martes, ang formaldehyde (http://www.cancer.gov/cancertopics/factsheet/Risk/formaldehyde) ay maaaring maging sanhi ng pagtatae at panunuyo ng lalamunan. - Mark J. Ubalde, GMANews.TV