Iloilo Muslims magkalisud para kay Rep. Akbar

Naga-unong sa kalisud sa pagtaliwan ni Basilan Representative Wahab Akbar ang mga Muslim sa ciudad sang Iloilo. Malayo man ang Metro Manila diin natabo ang pagpamomba kag lain man nga tribo ang ginhalinan ni Representative Akbar, luyag ipalab-ot sang Iloilo Al-islamia Association, Inc. (IAAI) ang ila simpatiya sa ila utod sa pagtuo kag utod sa diyos nga ginasimba. Para sa mga Ilonggo Muslims, pagbuot na sang diyos ang pagkamatay ni Rep. Akbar santo kuno sa ila ginapatihan sa relihiyon nga Islam. Apisar sa sining gintagna na nga kapalaran sang ila kabuhi, nagapanawagan sa gihapon sa pamunu-an ni Pangulong Gloria Macapagal Arroyo ang IAAI nga pangita-an na sang paagi para masolbar ang kagamo sa pungsod. Naga-ampo man sa bug-os nga mga Pilipino ang Ilonggo Muslims nga magkooperar para sa paghili-usa mapa Kristyano man, Muslim ukon iban man nga relihiyon. - Ratsada