Dingdong Dantes, binati si Alessandra de Rossi sa success ng pelikulang 'Through Night and Day'

Labis ang tuwa ni Alessandra de Rossi nang makita niyang nasa top spot sa Netflix Philippines ang pelikula niya kasama si Paolo Contis na Through Night and Day.

Ang Through Night and Day ay tungkol sa engaged couple na sumabak sa once in a lifetime trip sa Iceland.

Saad ni Alessandra sa kanyang post, "Ay. Taray. Never ako nag top 1 nung elementary. Ito na yata yun. ️"

Tinanong siya ni Dingdong Dantes sa kanyang Twitter account na kung ito ba ang bagong edit. Agad naman siyang sinagot ni Alessandra ng "Sa panaginip ko na lang makukuha ang ginusto ko para dyan! Toinks!"

Inihayag ni Dingdong na masaya siya na napanood niya ang kanilang pelikula ni Paolo. Saad niya pa na ito ay kanyang pinanood mismo sa sinehan bago pa man ito pumatok sa Netflix.

"Pero astig pa rin. Masaya akong napanood ko sa big screen itong malupet na obra niyo! Congrats!"

Nagpasalamat naman si Alessandra kay Dingdong at pinag-ingat niyo ito lalo na't balik trabaho na ang aktor para sa kanyang programang Amazing Earth.

"Salamat parekoy! Ingat kayo sa taping nyo today para nyo nang awa! May God keep all of you safe! "