Ashley Ortega on working with Xian Lim in 'Hearts on Ice': 'I couldn't ask for a better partner'

Sa unang pagkakataon, makakatambal ni Ashley Ortega sa isang serye ang multi-talented actor na si Xian Lim.

Pagbibidahan nina Ashley at Xian ang upcoming figure skating series ng GMA na Hearts on Ice.

Sa Interview ng GMANetwork.com, pinuri ng aktres ang pagiging passionate ni Xian na matuto ng figure skating, na bata pa lamang ay kinahihiligang sports na ni Ashley.

"Yes, it's my first time working with him and I couldn't ask for a better partner," sabi ni Ashley.

Dagdag niya, "Actually sabay kaming nagte-training. Napakasipag niyang mag-training, as in talaga I can see how driven, how passionate he is sa craft niya. Talagang he wanted to learn about figure skating para hindi rin siya mahirapan."

"Nagte-training na rin kami as pairs so abangan na lang nila 'yun, kasi feeling ko magugulat din silang lahat na ang galing-galing pala ni Xian mag-ice skating in a span of like [two to three] months lang siyang nagte-training."

Kuwento pa ng aktres, hindi raw niya naiwasang kiligin nang malamang magiging leading man si Xian sa serye.

"Naalala ko noon nu'ng hindi pa ako artista, pinapanood ko lang siya sa TV, ngayon ka-love team ko na siya. Kinilig din ako. Ilang beses na rin kaming nagkasama sa skating rink and he's very approachable person, super friendly, super humble kaya nga I feel like I will be comfortable working with him," aniya.

Bukod kay Xian, makakasama rin ni Ashley sa Hearts on Ice sina Amy Austria, Rita Avila, Tonton Gutierrez, Lito Pimentel, Ina Feleo, Cheska Iñigo, Kim Perez, Ruiz Gomez, Roxie Smith, at Skye Chua.

Abangan ang Hearts on Ice, soon sa GMA.

TINGNAN ANG NAGANAP NA STORY CONFERENCE NG HEARTS ON ICE RITO: