Xian Lim breaks in his new pair of ice skating shoes
Mahigit dalawang buwan nang nagte-training sa figure skating si Xian Lim para sa upcoming series na Hearts on Ice.
Bago at challenging para kay Xian ang karakter na gagampanan sa serye kaya naman level up din ang paghahanda niya sa ice rink.
Sa Instagram, ipinakita ng aktor ang kauna-unahang pares niya ng ice skating shoes. Aniya, "Getting my first pair of [ice skating shoes] be like."
Agad naman itong sinubukan ng aktor sa ice rink kung saan nakasama niya sa pag-eensayo ang leading lady niyang si Ashley Ortega.
Sa interview sa GMANetwork.com, sinabi ng aktor na puspusan ang ginagawa niyang training para maging komportable sa ibabaw ng yelo.
Makakasama rin ni Xian sa first Filipino figure skating series sina Amy Austria, Rita Avila, Tonton Gutierrez, Lito Pimentel, Ina Feleo, Cheska Iñigo, Kim Perez, Ruiz Gomez, Roxie Smith, at Skye Chua.
Abangan ang Hearts on Ice sa GMA.
TINGNAN ANG NAGANAP NA STORY CONFERENCE NG HEARTS ON ICE RITO: