Figure skating champ Skye Chua on working with Ashley Ortega: 'The first time I met her sobrang bait talaga'

Excited na ang figure skating champion na si Skye Chua para sa una niyang serye sa GMA, ang Hearts on Ice, na pagbibidahan nina Ashley Ortega at Xian Lim.

Sa exclusive interview sa GMANetwork.com, sinabi ni Skye na masaya siya sa pagkakataong makatrabaho si Ashley, na tulad niya ay isa ring professional figure skater.

"We have the same coach po sa figure skating and minsan nagkakasabay-sabay rin po kami. Super fan always with Ate Ash. Tapos lagi lang nag-experiment, kung anu-ano ginagawa namin [sa ice rink]. At saka sobrang sipag," kuwento niya.

Ayon kay Skye, hindi niya inaasahan na magiging komportable kaagad siya kay Ashley. Aniya, "Kasi the moment I met her sobrang comfortable na po ako to talk to her. Sobrang unexpected din kasi celebrity, 'Naku! baka mahirap kausapin.' Pero hindi naman. The first time I met her ever since sobrang bait talaga."

Labing-isang taon nang parte ng buhay ni Skye ang figure skating. Pero kahit isa ng professional figure skater, puspusan pa rin ang pag-eensayo nito bilang paghahanda sa kanyang karakter sa serye.

Bukod kina Ashley at Xian, makakasama rin ni Skye sa Hearts on Ice sina Amy Austria, Rita Avila, Tonton Gutierrez, Lito Pimentel, Ina Feleo, Cheska Iñigo, Antonette Garcia, Kim Perez, Ruiz Gomez, at Roxie Smith.

Abangan si Skye Chua sa Hearts on Ice, soon sa GMA.

TINGNAN ANG NAGANAP NA STORY CONFERENCE NG 'HEARTS ON ICE' DITO: