Dream come true para kay Julie Anne San Jose ang pagkakatampok sa kaniya sa isang billboard sa iconic na Times Square sa New York.
Isa si Julie Anne sa featured artists ng EQUAL playlist ng isang audio streaming site at app kung saan maaaring mapakinggan ang female artists mula sa iba't ibang bansa.
"WE MADE IT TO TIMES SQUARE, NEW YORK!!! ????Just.. SURREAL. Big thank you @spotify! This is a dream come true! ????" caption ni Asia's Pop Diva.
Bukod dito, may pa-teaser din si Julie para sa kaniyang susunod na project na "Limitless" na gaganapin sa Setyembre 17.
--Jamil Santos/FRJ, GMA News
