'Full House' actor Bob Saget, nagtagpuang patay sa hotel sa Florida

Pumanaw na ang comedian at TV actor na si Bob Saget sa edad na 65.

Ayon sa Orange County Sheriff's Office, nakita si Bob na wala nang buhay sa isang kuwarto sa Ritz-Carlton hotel sa Orlando, Florida noong Linggo ng hapon.

"The man was identified as Robert Saget & pronounced deceased on scene," saad ng Orange County Sheriff's Office sa Twitter. "Detectives found no signs of foul play or drug use in this case."

Ayon sa ulat ng Daily Beast, nasa kalagitnaan si Bob ng kaniyang "I Don't Do Negative" stand-up comedy tour, na magtatapos sana sa Houston, Texas sa June.

Nakilala si Bob bilang si Danny Tanner sa "Full House." Ang co-star niya sa sitcom na si John Stamos, nagpaabot ng pakikiramay.

"I am broken. I am gutted.  I am in complete and utter shock," Stamos sa Twitter post. " I will never ever have another friend like him. I love you so much Bobby."

— FRJ, GMA News