Ibinahagi ng “Black Panther: Wakanda Forever" star na si Lupita Nyong’o ang kaniyang “best memory” kasama ang namayapang Hollywood actor na si Chadwick Boseman.

Sa “Conversations with Lyn Ching”, sinabi ni Lupita, gumagananap bilang Wakandan spy na si Nakia sa pelikula, na marami siyang hindi malilimutang sandali na kasama si Chadwick, na gumanap bilang si King T’Challa sa unang "Black Panther" movie.

Ayon sa Kenyan-Mexican actress, kinagiliwan niya ang pagtugtog ni Chadwick ng drums noong nagsu-shooting pa lang sila ng unang Blank Panther.

Dagdag pa niya, para raw may “spiritual relationship” si Boseman sa drums kaya naman hindi niya malilimutan ang gabing iyon.

“But I do remember attending parties at his house while we were making the first Blank Panther. And he would play the drums as with the music. And he and his friends would get in the drum circle and play,” kuwento ni Lupita.

“So, it was just even more alive. He had really a spiritual relationship with the drum and I love witnessing that. I think it was the first that… I mean I don’t recall having an experience like that,” patuloy niya.

Ayon pa kay Lupita, nami-miss niya si Chadwick na may malaking impluwensiya umano sa kaniyang buhay.

“I remember how he was. How we move to the world is something that has very much affected me. Chadwick was never in a hurry. I don’t think Chadwick is rushing for anything. He was always there at the right time,” saad niya.

“And so, that ability to just own his space and he didn’t have any ego about him. He was just very deliberate in the way he moves, and he moved just as though with all the time in the world and every moment was precious. You know… I miss him, period,” ani Lupita.

Pumanaw si Boseman sa edad 43 dahil sa sakit na colon cancer.

Ayon sa mga ulat, apat na taon na nakipaglaban si Boseman sa sakit, na na-diagnose ng stage 3 noong 2016.

Kilala si Boseman sa larangan ng pelikula sa pagganap niya bilang si King T’Challa o Black Panther ng Marvel.

Ang “Wakanda Forever” ay sequel ng Marvel Studios’ award-winning film na “Black Panther.” Mapapanood na ito sa mga sinehan.--FRJ, GMA Integrated News