Inihayag ni Dionne Monsanto na bago pa man ikasal, nakapagdesisyon na siya at ang kaniyang asawang si Ryan Stalder na mag-settle na at bumuo ng pamilya sa Switzerland.
Sa "Mars Pa More," sinabi ni Dionne na nasa "cloud nine" pa rin siya matapos ang kaniyang pakikipag-isang dibdib kay Ryan.
"Yes very much. Kasi where we live is very peaceful and quiet. It's very different sa dating condo ko diyan sa Manila. Alarm mo 'yung mga busina. So dito it's mostly mga cowbells, ibon," sabi ng dating aktres.
"Actually where we live is the capital, it's called the city of Bern or the City of Bears. Pero itong side namin medyo countryside na siya. So ang daming puno, ang daming vegetation, mostly farmlands," dagdag ni Dionne.
Ayon kay Dionne, doon na rin nila plano ni Ryan na buuin ang sarili nilang pamilya.
"Bry and I had a plan already to settle here even before he proposed and even before we got married... We wanted to raise a family here where it's not as stressful, the environment is very calming and peaceful. So I think this is the perfect place for me to get pregnant and settle down," sabi niya.
Ikinasal si Dionne kay Ryan nitong Marso.
Labing-apat na taon ang kanilang love story, mula magkaibigan hanggang sa maging magkarelasyon sila at magkatuluyan sa altar.
"Soulmates are real, and I’m so grateful to have found mine," sabi ni Dionne.
—LBG, GMA News
