Isang Filipino-American ang itinalaga ni US President Joseph Biden bilang White House Liaison para sa Office of Personnel Management (OPM).
Kabilang si Jason Tengco sa mga itinalaga sa US OPM na mamamahala sa human resources management ng US Federal Government.
Bago ang kaniyang posisyon sa OPM, nagsilbi si Tengco sa Coalitions Department chief of staff ng Biden-Harris campaign.
Siya rin ang Asian American and Pacific Islander (AAPI) Outreach Lead sa transition team.
Pero bago nakasama sa Biden-Harris team, nagsilbi si Tengco bilang executive director ng National Federation of Filipino American Associations, National AAPI Outreach Director for the 2016 presidential campaign ni Hillary Clinton, at deputy director sa White House initiative sa AAPIs.
May hawak na bachelor’s degree in political science si Tengco mula sa University of California (UC), Los Angeles at master’s in public affairs sa UC Berkeley’s Goldman School of Public Policy. --FRJ, GMA News
