Maine Mendoza, Carla Abellana wear hand-painted dresses by Heart Evangelista

Aminado ang Kapuso actress na si Heart Evangelista na kinilig siya nang makita ang larawan ng Dubsmash Queen at Kalyeserye sweetheart na si Maine Mendoza na suot ang isa sa mga hand-painted dresses na gawa niya.

Matatandaang inilunsad ni Heart at ng fashion designer na si Mark Bumgarner ang “Mark Bumgarner x Love Marie” collection ngayong taon, kung saan ilan sa mga gawang gown ni Mark ay pinintahan ng Kapuso artist.

Tampok ang larawan ng “Eat Bulaga!” host at phenomenal Kalyeserye star sa Style Weekend na ilalabas ngayong Biyernes.

Ayon kay Heart sa isang Instagram post, “The reason we do what we love... #MBxLM #lovemariehandpainteddresses on @mainedcm @markbumgarner *kilig*”

 

The reason we do what we love...#MBxLM #lovemariehandpainteddresses on @mainedcm ??????@markbumgarner *kilig*

A photo posted by Love Marie Ongpauco Escudero (@iamhearte) on

Feb 10, 2016 at 7:15am PST

Isinuot rin ng Kapuso actress at “Because Of You” star na si Carla Abellana ang obra nina Heart at Mark sa naganap na GMA Thanksgiving Party 2016 nitong Miyerkules ng gabi.

“The beautiful @carlaangeline wearing a #MBxLM! Still very *kilig* about the magic of this dress! It's also my favorite! @markbumgarner we should frame this,” ayon kay Heart sa isang hiwalay na Instagram post.

 

The beautiful @carlaangeline wearing a #MBxLM ?? still very *kilig* about the magic of this dress...it's also my favorite ?? ???????????????????????? @markbumgarner we should frame this??

A photo posted by Love Marie Ongpauco Escudero (@iamhearte) on

Feb 10, 2016 at 7:17pm PST

Bukod sa hand-painted dresses, abala rin si Heart sa pagpipinta sa canvas at maging sa mga luxury bag.

Tampok rin ang mga guhit ng aktres sa children's book na “Daughter of the Moon and the Sun,” poetry book na “Hai Na Ku,” at sa kaniyang beauty guide ng pinamagatang “This is Me, Love Marie.” —Bianca Rose Dabu/KG, GMA News